XVII XORNADA DOS CLUBS DE LECTURA

Como colofón a este ano intenso, participamos nas XVII Xornadas dos Clubs de Lectura, un encontro anual das/os coordinadores de Clubs no que este ano tiveron como novidade a participación de alumnado de distintos clubs de lectura. Nesta mesa redonda moderada polo gran mediador Freddy Gonçalves participaron Xabi, Aldán e Rut en representación dos seus centros: IES Agra de Orzán, IES Valadares e IES de Brión.

Unha gran conversa na que se falaron de moitos temas vencellados á lectura e na que tamén puidemos reflexionar sobre como e por que lemos e que facer ou non para promover a lectura. Nós estamos moi orgullosas/os da nosa representante, Rut, que non o puido facer mellor.

A conclusión é clara: hai que escoitar e escoitarnos.

 

NOVA LECTURA: ENDEREZO DESCOÑECIDO

Unha nova lectura neste último trimestre: "Enderezo descoñecido" de Kressman Taylor. Unha obra escrita coa correspondencia entre dúas persoas en época de conflito; xa ten uns anos pero en poucas páxinas reflicte moi ben o desastre que se produce cando gaña "o mal". Moito para relfexionar

 

LIBROS A PARES

 

No grupo de 2º decidimos dividirnos e ter dous libros do mesmo autor: Antonio Fraga: "O bestiario científico de Anxos Nogueirosa" e "Ningunha estrela levará o meu nome". Non teñen nada que ver aínda que o autor sexa o mesmo!

UNHA NOVA LECTURA

Estreamos lectura cun autor galego: Antonio Fraga, do que temos varias obras na nosa biblio. Aínda que a capa non nos convencía, foi comezar a lelo e querer seguir lendo... algunha vez vos pasou?

 

ELEANOR Y PARK DE RAINBOW ROWELL

Con este "knolling" queremos convidarvos a que leades este libro, que nos gustou e emociounou. 

Non queremos contar máis, o que si queremos é compartir con vós esta playlist sobre o libro que podedes escoitar en Spotify:

Playlist 

 

UNHA REUNIÓN MOI ANIMADA

Nesta concurrida reunión do club de 2º escollemos dúas bandas deseñadas para compartir: "A mansión dos Pampín" e "Memorias dun neno labrego". 

Xa veremos cal nos gusta máis!

 

COMEZAMOS CO CLUB

Xa comezaron as actividades do club e xa escolleron a súa lectura, adiviñades cal?

 

Comezamos! Apúntate ao club

 

ATA O PRÓXIMO CURSO!

 Non están todas/os os que son pero si son todxs os que están! Despedimos este curso de lecturas ata o próximo onde haberá máis! Agardámosvos!

VISITA A UNHA LIBRARÍA: LILA DE LILITH

 Fomos de visita a Santiago coñecer unha libraría especializada: a libraría Lila de Lilith, unha libraría feminista con libros escritos por mulleres e/ou sobre mulleres, Descubrimos moitas cousas interesantes e volvimos para o instituto con varias adquisicións que poderedes ler pronto.