mércores, 16 de xuño de 2021

ATA O PRÓXIMO CURSO!

Como neste curso non poidemos sair por mor da pandemia, fixemos unha comida con todos os grupos de lectura e como o calor apretaba refuxiámonos na biblioteca... onde mellor!

 Despedimos este curso con alegría porque xa chegan as merecidas vacacións e con ganas de seguir encontrándonos o próximo!



xoves, 3 de xuño de 2021

E TI, QUE SUPERPODER QUERERÍAS TER?

A conta da lectura de "Invisible" de Eloy Moreno, demos en falar dos superpoderes que a cadaquén nos gustaría ter. Saíron cousas moi variadas... e moi chulas!

E ti... que superpoder quererías ter?














venres, 21 de maio de 2021

ENCONTRO COA AUTORA DE "BE WATER": ANTÍA YÁÑEZ

Como xa vos anunciamos, tivemos un encontro virtual con Antía Yáñez, a autora do último libro que leramos: "Be water"
Foi estupendo coñecer a autora do libro e doutros que tamén coñecemos e prestounos moito eses momentos de charla onde lle poidemos preguntar moitas curiosidades e onde quedamos comprometidas/os a comunicarlle as nosas ideas para unha posible continuación. 



xoves, 20 de maio de 2021

NOVA ESCOLLA DE LECTURA

 Para este último trimestre fixemos escolla de lectura entre moitas opcións: aventuras, misterio, relatos curtos, teatro.... e finalmente a lectura escollida é "Invisible" de Eloy Moreno.

Xa vos contaremos as nosas impresións!



domingo, 16 de maio de 2021

ENCONTRO VIRTUAL CON ANTÍA YÁÑEZ


 

LIBRIONESXS NA ONDA: "BE WATER"

Aquí está unha nova edición de LiBRIONesxs na onda! Desta volta comentando a nosa última lectura "Be water" de Antía Yáñez. Queres coñecer as nosas impresións? Escoita o noso programa!

 

NOVA LECTURA: "BE WATER" DE ANTÍA YÁÑEZ

 

Xa temos nova lectura: "Be water" de Antía Yáñez. Un relato distópico finalista do 1º Premio Mª Victoria Moreno de Literatura Xuvenil. 
A protagonista, Iolanda, vive no ano 2483 nun lugar chamado A Colmea onde a auga é un ben moi escazo e codiciado...

Imaxinades un mundo así?

"OS BANDIDEN" DE SIRI KOLU

 

A nosa nova lectura é moooi divertida!:

"Os Bandiden" 

de Siri Kolu.

Vilja, a protagonista, vai ser secuestrada en plenas vacacións por unha estrafalaria familia de ladróns de chuches!

Un ritmo trepidante, moito humor e un pequeno ovo de Pascua para as nosas vacacións !

ESCOLLEMOS LECTURAS!

Estivemos escollendo a nosa próxima lectura e fixémolo dun xeito un pouco distinto:

Os libros estaban forrados, así que só podiamos ler o propio texto sin saber título, autor/a nin a información da contracapa. Unha vez revisados todos, cadaquén escribiu os números que identificaban a cada un dos libros.



A continuación, apareceron os libros, xa sen o forro, pero só tiñamos a información exterior, é dicir: título, autor/a, editorial, o deseño da capa e a información que a editorial puxera nela (había algunha que levaba faixa).



Escollemos por fin! E tamén aproveitamos para falar de que era o que nos levaba a escoller un libro e non outro... moitas veces un deseño bonito facía moito!

Ah, e a escolla foi completamente distinta nas dúas ocasións, así que, quen sabe que imos ler!



 

LECTURA DRAMATIZADA DE "A RATOEIRA"

Canta intriga! Ata chegar ao final non soubemos quen de nós sería o asasino... ou asasina! Repartímonos os papeis e ... quen sabe! 

Aquí podedes escoitar un fragmento da nosa lectura... e cando cheguedes ao final... chiss! Non desveledes o misterio!